Eitt starvsfólk á Náttúruvísindadeildini á Fróðskaparsetri Føroya hevur fingið staðfest covid-19. Tað stendur í fráboðan frá rektaranum Chik Collins, sum er send næmingum.
Longu nú eru neyðug tiltøk sett í verk, og øll lesandi, sum ikki longu hava fingið onnur boð, verða biðin um at møta sum vanligt til undirvísing í dag.
- Leiðslan á Setrinum hevur í kvøld (í gjárkvøldið, red.) umrøtt støðuna við Landslæknan, og vit hava longu sett neyðug tiltøk í verk, skrivar Chik Collins í fráboðanini.
- Vit vilja kunna tykkum um støðuna, so tit kunnu kenna tykkum trygg á Setrinum. Hetta er ein áminning til okkum øll um framhaldandi at vera varin, sigur rektarin.
Almennu tølini hava enn ikki hendan nýggja tilburðin við. Seinasti tilburðurin varð staðfestur 14. mai, og í løtuni eru bara tvey fólk staðfest positiv við covid-19.
Vinarliga broyt tínar kennifíla - og privatlívsstillingar fyri at síggja hetta innihald