Koyrdi 115 km/t í Norðoyatunnlinum

Ein bilførari hevði skund tá hann í morgun klokkan 06.20 skuldi gjøgnum Norðoyatunnlinin.

Tíverri fyri viðkomandi var løgreglan til staðar við lasaratólinum, og ferðin á bilin varð máld til 115 kilometrar um tímam. Tað gevur treytað frádøming av koyrikortinum.

Fleiri kanningar vórðu gjørdar í ferðsluni í gjár uttan at tað førdi til nakra sak. Men eitt átak uttan fyri ein skúla í Havn í gjáramorgunin gav fýra klipp í koyrikortið til bilførarar, sum ikki høvdu børn síni í rættari trygdarútgerð í bilinum.