Koyrdi á fýra fólk á gonguteigi mitt í London

Stutt eftir midnátt jóladag fekk Metropolitan Police í London fráboðan um eina hending á Shaftesbury Avenue.

Talan er um ein langan veg mitt í enska høvuðsstaðnum, sum gongur frá Piccadilly Circus til Shaftesbury Theatre. Har eru oftast nógv fólk, og í nátt vórðu fýra fólk rakt av einum bili har.

Tað var ikki, tí at tey gingu á vegnum. Talan var um ein bilførara, ið valdi at koyra upp á gonguteigin.

Hettta hevur helst verið í stórari sinnisrørslu, upplýsir Metropolitan Police seinnapartin. Varapolitiovastin Stuart Cundy sigur við tíðindastovur, at tað ikki verður mett, at talan er um yvirgang.

- Tann mistonkti var sum skilst í einum skeldaríi á einum náttklubba nærhendis, áðrenn hann setti seg í bilin og koyrdi uppá gonguteigin.

Stuart Cundy sigur eisini, at løgreglan var skjót á staðnum og handtók mannin, meðan hann koyrdi á skeivari síðu á vegnum. Viðkomandi er nú skuldsettur fyri drápsroynd.

Tey fýra fólkini, sum bilurin rakti, vórðu øll flutt á sjúkrahús. Støðan hjá tí eina verður framvegis mett at vera hættislig (critical).