Koyrdi á seyð í Kollafjarðardali

Seinasta samdøgrið hevur sum heild verið friðarligt. Tó hevur løgreglan skrásett tvey ferðsluóhapp.

Í gjárkvøldið, stutt fyri klokkan 22, koyrdi ein bilur út av á Fuglafjarðarvegnum. Eingin fólkaskaði var, men bilurin fekk skaða.

Sambært vaktleiðaranum á løgreglustøðini í Havn var bilførarin edrúur, og var tað ósketni, sum var orsøkin til óhappið.

Tíðliga í morgun, stutt fyri klokkan hálvgum sjey, koyrdi ein bilur, sum var á veg á flogvøllin, á ein seyð í Kollafjarðardali.

Fráboðanir um árendan seyð er gerandiskostur hjá løgregluni, men tað serliga í hesum førinum var, at stoytkoddin varð útloystur, so bilurin fekk ikki koyrt av staðnum. Hann verður fluttur seinni í dag, sigur vaktleiðarin.