Koyrdi ávirkaður av rúsevnum

Í gjár varð ein bilførari skuldsettur fyri at koyra ávirkaður av rúsevnum.

Viðkomandi varð steðgaður í Havn klokkan hálvgum átta í gjárkvøldið. Í bilinum var eisini eitt sindur av hassji til egna nýtslu og útgerð at roykja hassj við, sigur vaktleiðarin á løgreglustøðini í Havn.

Sambært vaktleiðaranum er tað seinastu tíðina vorðið meira vanligt, at bilførarar, sum verða tiknir fyri at koyra ávirkaðir, eru ávirkaðir av øðrum enn rúsdrekka.