Koyrdi hýruvogn í Havn uttan loyvi

Seinastu tíðina hevur løgreglan fingið fleiri fráboðanir um hýruvognar, sum koyra í høvuðsstaðnum uttan loyvi, og í nátt varð ein hýruvognsførari so tikin fyri hetta.

Talan var um ein hýruvogn av bygd, sum varð komin til Havnar at koyra, hóast hann ikki hevði loyvi til tað.

Í høvuðsstaðnum krevst nevniliga serligt loyvi fyri at koyra hýruvogn, og eitt slíkt loyvi hevði førarin ikki.

Hýruvognar av bygd hava tó loyvi at koyra av bygd til Havnar og seta fólk av, og eisini kunnu teir koma til Havnar eftir fólki og koyra tey út á bygd.

Førarin fær allarhelst eina bót, sigur vaktleiðarin á politistøðini, sum leggur afturat, at tey fáa ikki nógv mál av hesum slagnum.