Koyrdi ov skjótt – misti koyrikortið

Løgreglan gjørdi í gjár ferðmátingar í Vágum. Her varð ein bilur máldur til at koyra við eini ferð á 129 kilometrar um tíman á einum strekki har hægst loyvda ferðin er 80 km/t.

Fyri hetta fekk bilførarin eina treytaða frádøming av koyrikortinum umframt eina bót.

Leygarkvøldið og sunnunáttina gjørdi løgreglar kanningar av bilum í Havn. Einir 40 bilar vórðu kannaðir, men onki mál varð skrivað, upplýsir vaktleiðarin á løgreglustøðini.