Koyringin hjá Strandferðsluni framvegis forðað

Vegna áhaldandi forðingar er eingin koyring. Soleiðis hevur verið neyðugt hjá Strandferðsluni at skriva á heimasíðu sínari í dag um nakrar leiðir.

Annars var ætlanin, at millum annað leið 400, millum Klaksvík og Havnina, og flogvallarrutan (Leið 300) skuldu byrja at koyra. 

Fólk stóðu tó fyri í morgun, og tað eru framvegis nógvar leiðir, har eingin koyring er vegna verkfallið.

Sí yvirlit her

Í døgurðatíðindunum hoyrdist eisini, at verkfallsvaktir í Runavík royndu at forða fyri, at fólk frá franska ferðamannaskipinum Le Boreal fóru í bussar. Sambært vp.fo  bakkaðu vaktirnar tó til endans.