Uttanlands

Krav um munnbind í París

Fríggjadagin kemur nýtt krav í gildi í franska høvuðsstaðnum

París, Frakland (Mynd: EPA)

París, Frakland (Mynd: EPA)

2021-12-30 07:38 Author image
Alda Nielsdóttir
placeholder

Í morgin kemur nýtt krav um munnbind í gildi í franska høvuðsstaðnum París.

Talið á smittutilburðum í Fraklandi er vaksandi, og sambært franska heilsumálaráðharranum hevur talan seinastu tíðina verið um eina "flóðaldu" av smittutilburðum – bæði við delta- og omikron-frábrigdinum. Tað er orsøkin til, at lokalu myndugleikarnir hava tikið hetta stigið, skrivar tíðindastovan Reuters.

Munnbind er longu krav inni í almennum bygningum og í almennu samferðsluni um alt Frakland, men frá í morgin verður tað also eisini galdandi úti á gøtunum í París.

Tey, sum ikki brúka munnbind, sum kravt er, kunnu vænta sær eina bót á 135 evrur, sum svarar til beint omanfyri 1.000 krónur.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder