Kredittvirðið hjá Føroyum veksur

Fríggjakvøldið gjørdi Moody’s greitt, at tey hækka føroysku ratingina frá Aa3 við støðugum útlitum upp í Aa2 við støðugum útlitum. Hetta boðar Landsbanki Føroya frá.

Føroyar hava við hesum triðhægstu meting á ratingstiganum hjá Moody's, sum hevur 23 stig.

Dømi um onnur lond við rating Aa2 eru Frakland og Bretland.

Høvuðsorsøkin til betraða kredittvirðið er, at fíggjarligi váðin í sambandi við Eysturoyartunnilin er næstan burtur. Seinasta skotið var latið av í juni, og tá var sonevndi bygningsváðin hjá landinum burtur.

Harafturat eru fíggjarlig og búskaparlig lyklatøl fyri Føroyar betri enn frammanundan væntað.

Les alt tíðindaskrivið frá Moody’s her.