Kristina er næststørsti favoritturin

Tað er í kvøld, at Kristina Bærendsen skal royna seg í finaluni í íslendska Melodi Grand Prixnum - Söngvakeppninn. Føroyska songkvinnan kom ikki víðari úr undanumfarinum í fyrstu syftu, men hon fekk eitt sokallað Wild Card, og er ímillum teir fimm finalistarnar: 

Hvað ef ég get ekki elskað — Friðrik Ómar
Mama said — Krist­ina Bær­endsen
Fig­ht­ing for love — Tara Mo­bee
Moving on — Hera Björk
Hatrið mun sigra — Hat­ari

Dómsnevndin gav Kristinu ein nýggjan møguleika, og mett verður at  "Ég á mig sjálf" (á føroyskum "Eg eigi meg sjálva") hevur ein góðan møguleiki. Veddingarfyritøkan Bets­son gevur pengarnar aftur 2,85 ferðir aftur, um Kristina Bærendsen vinnur. Bert Hatari hevur lægri odds, og hann verður eisini nevndur ímillum favorittarnir hjá serfrøðingunum. Friðrik Ómar, har Jógvan Hansen er kórsangari, verður eisini mettur at hava ein realistiskan møguleika. 

Spennandi verður, um Kristina megnar at syngja seg víðari. Finalan byrjar klokkan 19.45 og til ber at síggja hana í Kringvarpinum.