Sverri Egholm
Tað lýsir grønt á kryptogjaldoyramarknaðinum. Tað hevur tað í stóran mun gjørt síðan Donald Trump vann amerikanska forsetavalið mikumorgunin.
Komandi amerikanski forsetin hevur nevniliga alsk til krypto, og tað merkist á kursbroytingunum fyri eitt nú Bitcoin.
Kursurin á kryptogjaldoyra sum heild vaks umleið níggju prosent mikudagin. Prísurin á Bitcoin setti eisini met.
Í dag setti Bitcoin aftur met og hevði fyrr í kvøld eitt virði upp á 77.000 dollarar fyri eitt bitcoin. Prísurin liggur nú nakrar hundrað dollarar undir.
Fleiri onnur sløg av krypto eru eisini á veg upp eftir. Fleiri hava ein prosentvøkstur, sum er hægri enn 10 prosent. Bitcoin liggur í dag umleið á tíggju prosentum í vøkstri, meðan okkurt slag av kryptovaluta er hevur ein vøkstur upp á omanfyri 20 prosent síðani Donald Trump varð valdur til forseta.
Til eina ráðstevnu um kryptogjaldoyra í summar í Nashville slóð Trump fast, at hann hevði í hyggju at gera USA til heimsins kryptohøvuðsstað við at seta ferð á framleiðsluna av kryptogjaldoyrum í USA. Hann ætlaði eisini at seta eina nevnd at ráðgeva um bitcoin og krypto sum heild.
Vinarliga broyt tínar kennifíla - og privatlívsstillingar fyri at síggja hetta innihald