Alda Nielsdóttir
Frá leygardegnum skulu øll brúka munnbind í almennu samferðsluni í Danmark.
Hetta merkir, at ein persónur, sum noktar at brúka munnbind kann verða koyrdur av tokinum ella bussinum, og noktar viðkomandi at fara av, kann viðkomandi revsast við bót.
Eisini skulu arbeiðsgevarar syrgja fyri, at fólk, sum arbeiða í almennu samferðsluni hava munnbind, tá tey eru stødd á almenna flutningstólinum ella á eini farstøð.
Ávísir bólkar eru tó undantiknir nýggja kravið um munnbind.
Børn undir 12 ár og eldri fólk við eitt nú demens ella andadrátstrupulleikum sleppa undan. Hetta er eisin galdandi fyri fólk, sum eru kropsliga ella sálarliga veik og onkursvegna ikki kunnu brúka munnbind.
Eisini kunnu onnur fara úr munnbindinum, um tey hava eina sonevnda viðurkenningarverda orsøk. Hetta kann m.a. vera, tá mann fær sær eta ella drekka, inntekur heilivág, tosar við ein persón, sum munnavlesur, ella um mann stríðist við at anda.
Nýggja kunngerðin um krav av munnbind í almennu samferðsluni í Danmark er galdandi til 31. oktober.
Vinarliga broyt tínar kennifíla - og privatlívsstillingar fyri at síggja hetta innihald