Kvinna ákoyrd av bili

Beint eftir døgurða í gjár hendi eitt ferðsluóhapp á Hálsi í Havn - uttanfyri Jysk - har ein kvinna varð ákoyrd av einum bili, tá hon var á veg yvirum vegin.

Har var eingin gonguteigur, men har er ein bunga, sum kann líkjast einum gonguteigi, sigur vaktleiðarin á løgreglustøðini í Havn.

Kvinnan slapp rættiliga væl frá óhappinum, men kanska hevur hon fingið eitt lítið beinbrot, leggur vaktleiðarin afturat.