Kvinnutingið og konfirmantlegan avlýst

Trúboðin skrivar á heimasíðu sínari, at tvey av teimum heilt stóru tiltøkunum, sum eftir ætlan skuldi verða í Nesvík komandi tíðina, eru avlýst orsakað av koronastøðuni. 

Talan er vælumtókta Kvinnutingið, sum á hvørjum ári samlar kvinnur úr øllum landinum, og har tað so at siga altíð verður fullteknað eftir heilt stuttari tíð. Tiltakið  skuldi vera 6. februar. 

Eftir ætlan skuldi stór konfirmantalegan vera 12. og 13. mars, men hendan legan er eisini avlýst, skrivar trubidin.fo. Vanligt er, at tey sum ganga til prest kring landið savnast í Nesvík nakað áðrenn konfirmantiónina.