Læknavaktin flytur í onnur høli

Frá mándegnum 23. desmber fer Læknavaktin á Landssjúkrahúsinum at halda til í nýggjum hølum partar av døgunum.

Hesum boðar Landssjúkrahúsið frá í tíðindaskrivi í dag.

Viðtalur verða frameftir á hesum støðum:

• Yrkadagar frá klokkan 16 til á midnátt er viðtala 3. hædd/B3
• Vikuskifti og halgidagar frá klokkan 8 til midnátt er viðtala á 3.hædd/B3
• Frá midnátt til klokkan 8 allar dagar er viðtala á Skaðastovuni/Bráðmóttøkuni, eins og í dag.

Hevur ein ørindi í Læknavaktini, skal ein eins og áður venda sær til Leiðbeiningina at verða skrásettur.

Læknavaktin 1870 er ætlað teimum, ið brádliga gerast sjúk, ella har sjúkan versnar uttanfyri vanliga arbeiðstíð.