Í morgin, flaggdagin 25. apríl klokkan átta letur Læknavaktin upp í nýggjum hølum í ‘gomlu forhøllini ‘ á Landssjúkrahúsinum.
Tað upplýsir Sjúkrahúsverkið í tíðindaskrivi.
Læknavaktin fer at halda til í somu hølum, sum ambulanta virksemið hjá rannsóknarstovuni heldur til, og fer alt virksemið hjá Læknavaktini frameftir at vera á hesum stað.
Upplatningartíðirnar hjá Læknavaktini er óbroyttar.
Hetta merkir, at Læknavaktin framvegis er opin frá klokkan 16 til 08 á morgni yrkadagar, og alt samdøgrið í vikuskiftum og á halgidøgum, sigur Sjúkrahúsverkið, sum minnir á, at Læknavaktin bert er ætlað, um tú brádliga gerst sjúk/ur, ella um tú gerst meir ússalig/ur í samband við sjúku, og har tú metir, at tað ikki kann bíða, til tú fært fatur á tínum egna kommunulækna.
Vinarliga broyt tínar kennifíla - og privatlívsstillingar fyri at síggja hetta innihald