Uttanlands

Lækni stungin til deyðis í Týsklandi

Fritz von Weizsäcker, sonur fyrrverandi týska forsetan, varð dripin meðan hann helt fyrilestur

Richard von Weizsäcker sæst her til vinstru á mynd frá 1997 saman við fyrrv. pólska forsetanum Lech Walesa og fyrrverandi amerikanska forsetanum, George Bush (Mynd: EPA)

Richard von Weizsäcker sæst her til vinstru á mynd frá 1997 saman við fyrrv. pólska forsetanum Lech Walesa og fyrrverandi amerikanska forsetanum, George Bush (Mynd: EPA)

2019-11-20 07:01 Author image
Ingi Samuelsen
placeholder

59 ára gamli Frits von Weizsäcker, sonur fyrrverandi týska samveldisforsetan, Richard von Weizsäcker, var í gjár dripin í einum kníválopi á einum sjúkrahúsi í Berlin.

Tað skrivar týska dpa-tíðindastovan.

Ein maður leyp á von Weizsäcker meðan hann helt fyrilestur á psykiatrisku deildini á Schlosspark sjúkrahúsinum.

Frits von Weizsäcker, ið var yvirlækni, doyði á staðnum, og maðurin, sum leyp á, er handtikin.

Drápsmaðurin er í starvi hjá løgregluni, men var til staðar undir fyrilestrinum sum privatpersónur, skriva miðlarnir.

Pápi dripna læknan, Richard von Weizsäcker, gjørdist forseti í Vesturtýsklandi í 1984 og varð sitandi í 10 ár til 1994. Tá vóru Vesturtýskland og Eysturtýskland sameind í eitt land. Forsetaembætið í Týsklandi hevur ikki tað stóra politisku valdið, men er av meira umboðandi slag. Áðrenn von Weizsäcker gjørdist forseti var hann í trý ár borgarstjóri í Berlin.

Richard von Weizsäcker doyði í 2015. Hann átti fimm børn. 

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder