Landsinnsavning hjá Reyða Krossi í kvøld

Í kvøld verður árliga landsinnsavningin hjá Reyða Krossi send beinleiðis í Kringvarpinum úr Fiskastykkinum í Sandavági.

Landsinnsavningin er ein møguleiki hjá øllum – fólki og fyritøkum - at savna pening til at hjálpa, har neyðin er størst – bæði her heima og úti í heimi. Við at lata eina peningaupphædd kanst tú vera við til at gera veruligan mun, sigur Reyði Krossur.

Í sendingini vera rørandi samrøður og innsløg um hjálpararbeiðið, undirhald og tónleikaframførslur við eitt nú Vágaverk, Guðrið Hansdóttir, Jasmin og Beinir.

Sendingin verður í kvøld klokkan 19. Vertir eru Krista Johnsdóttir Kreutzmann og Jógvan Skeel Nolsøe.