Landsstýrið hevur tíðindafund í morgin

Landsstýrið bjóðar inn til tíðindafund um koronustøðuna í Kringvarpinum klokkan 11 í morgin.

Meira stendur ikki í stuttu boðunum frá myndugleikunum til miðlarnar í kvøld, men uttan iva eru tað vaksandi tilburðirnir og nýggja koronufrábrigið Omikron, sum gera, at landsstýrið kennir seg noyddan at kunna fólkið um støðuna.

Í boðunum frá landsstýrinum stendur einki um, hvørji umboð vera við á tíðindafundinum.

Sum vant, so hevur danska stjórnin havt tíðindafund daginfyri. Mette Frederiksen boðaði í kvøld frá ymsum tiltøkum, sum skulu steðga spjaðingini av koronu.

Eitt nú verða næmingarnir í barnaskúlunum sendir heim í jólafrí komandi mikudag, 15. desember. Eisini skal náttarlív og skeinkistøð lata aftur á midnátt.