Landsstýrismaðurin í almannamálum vitjar Kommunufelagið

Landsstýrismaðurin í almannamálum, Sólvit E. Nolsø, var í gjár á fundi við Kommunufelagið.

Við á fundinum vóru Heðin Mortensen, formaður í Kommunufelagnum og Tórbjørn Jacobsen, næstformaður í Kommunufelagnum. 

Partarnir nýttu høvið til at umrøða eftirmetingina av eldraøkinum og hvussu farast skal fram fyri at fremja nøkur av tilmælunum frá arbeiðsbólkinum, sum hevur gjørt eftirmetingina, skrivar Almannamálaráðið á heimasíðuna.

Semja var m.a. um at hyggjast skal upp á ansingarsamsýningina og gjøldini fyri búpláss, umlætting og heimatænastu, og partarnir eru samdir um at fara undir hetta arbeiðið beinanvegin.