Sverri Egholm
Jørgen Niclasen, landsstýrismaður, hevur svarað grein 52 fyrispurningi frá Beintu Løwe, tingkvinnu hjá Tjóðveldi. Hon vildi vita hvussu nógv samlaði kostnaðurin fyri asfaltverkið á Sundi, sum nú ikki kann brúkast.
Sambært roknskapi hjá Landsverki fyri asfaltverkið á Sundi fram til nú hava útreiðslurnar av leigu, umvælingum, keypi verið 33,4 milliónir krónur, sigur Jørgen Niclasen í svarinum.
Í 2016 gjørdi Landsverk avtalu við eitt privat felag um at leiga asfaltverkið á Sundi. Løgtingsgrannskoðararnir hava síðani víst á, at talan var um fíggjarliga langtíðarleigu.
Sambært játtanarskipanini er ikki loyvt at gera avtalur um fíggjarliga langtíðarleigu. Í apríl 2019 varð avtala gjørd við útleigaran um at yvirtaka virkið fyri 8,8 milliónir krónur.
- Samanumtikið ber ikki til at siga, at Landsverk hevði heimild at langtíðarleiga ella keypa asfaltverkið á Sundi, sigur Jørgen Niclasen, landsstýrismaður í fíggjarmálum.
Landsstýrismaðurin sigur, at málið verður kannað nærri.
Vinarliga broyt tínar kennifíla - og privatlívsstillingar fyri at síggja hetta innihald