Innanlands

Landsstýrismálanevndin skal viðgera kæruna í morgin

Ráðførsla var við advokat í seinastu viku - hósdagin hevur nevndin fund um málið viðvíkjandi Dennis Holm, landsstýrismanni í fiskivinnumálum

Bárður á Steig Nielsen og Hans Jacob Thomsen undir viðgerðini av misálitsmálinum um Ingilín Didriksen Strøm. Nú hava teir og Hanna Jensen enn eina kæru frá løgtingsfólki um landsstýrisfólk á borðinum (Savnsmynd: Jens Kr. Vang)

Bárður á Steig Nielsen og Hans Jacob Thomsen undir viðgerðini av misálitsmálinum um Ingilín Didriksen Strøm. Nú hava teir og Hanna Jensen enn eina kæru frá løgtingsfólki um landsstýrisfólk á borðinum (Savnsmynd: Jens Kr. Vang)

2025-01-15 11:18 Author image
Agnar Prestá
placeholder

Fyri aðru ferð hesa tingsetuna skal landsstýrismálanevndin viðgera eina kæru um eitt landsstýrisfólk.

Tað eru átta mánaðir síðani, at Árni Skaale, tingmaður Fólkafloksins, kærdi Dennis Holm.

Orsøkin var, at landsstýrismaðurin í fíggjarmálum hevði latið kvotur, sum hann ikki hevði heimild til.

Talan var um 35.000 tons av svartkjafti sum felagskvotu við hámarki.

Landsstýrismálanevndin hittust í síðstu viku við Kristinu Samuelsen. Advokaturin er komin við sínum ráðum, men tað eru Hans Jacob Thomsen, Hanna Jensen og Bárður á Steig Nielsen, ið skulu taka eina endaliga avgerð.

Fundur verður í nevndini í morgin, hósdagin 15. januar. Hetta skrivar Kringvarpið. Eftir hann verður meira greitt, um hetta málið fær avleiðingar fyri Dennis Holm.

[object Object]Dennis Holm bíðar framvegis eftir einari niðurstøðu (Savnsmynd: Sverri Egholm)

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder