2022-02-05 22:13
Dagføring 23:34: Vegurin um Høgareyn er latin upp aftur. Men tað verður ikki grivið meira har í kvøld.
Enn eru trupulleikar á Sandavágshálsi. Eitt flogfar lendi fyrr í kvøld, og har eru nógv ferðafólk, sum eftir ætlan skulu heim í kvøld.
----
Nógvur kavi darvar í kvøld ferðsluni í fleiri støðum kring landið.
Løgreglan mælir frá óneyðugari koyring millum bygdir og í Havn hevur sløkkiliðið eisini mælt frá at koyra.
Fleiri bilar standa fastir inni í Havnini, men eisini á Vestmannavegnum og á Sandavágshálsi.
Á júst hesum strekkjum hevur Landsverk valt at stongja vegin fyribils.
Landsverk boðar frá aftur, tá vegirnir lata upp aftur.
Vinarliga broyt tínar kennifíla - og privatlívsstillingar fyri at síggja hetta innihald