Lars Løkke Rasmussen sett met

1408 dagar.

So leingi hevur núverandi valskeiðið í Danmark varað higartil. Hetta er longsta valskeiðið síðan 1953, tá Danmark fekk tað fólkatingið, sum vit kenna í dag.

Fyri at finna næstlongsta valskeiðið, skal mann aftur til 1960ini, tá Jens Otto Krag sat í forsætisráðharrasessinum. Tá val var í 1964, hevði valskeiðið varað 1407 dagar.

Og valskeiðið heldur fram. Ger Lars Løkke Rasmussen av at útskriva val í dag, skulu í minsta lagi 20 dagar leggjast afturat til valstríð, skrivar DR.

Fólkatingsval skal í seinasta lagi vera 17. juni í ár, og verður val ikki fyrr enn tá, kemur núverandi valskeiðið at vara 1460 dagar.