Teir fýra ella fimm hvalirnir sum liggja og grindast í Hvalbiarfirði fáa frið. Tað hevur Jaspur Vang, sýslumaður saman við grindaformonnunum í økinum givið boð um.
- Tað loysir seg ikki at fara út eftir so fáum hvalum, so teir fáa frið, sigur sýslumaðurin.
Hvalirnir lógu út fyri Sandvík í gjár, og í dag eru teir í Hvalbarfirði, upplýsir Jaspur Vang.
Tað er ikki langt síðani stór grind var í Suðuroynni. Tað var í juli í fjør, tá 252 grindahvalir og 35 springarar løgdu beinini í Hvalba. Grindin var skift til øll í oynni.
Vinarliga broyt tínar kennifíla - og privatlívsstillingar fyri at síggja hetta innihald