Sverri Egholm
Nú kunnu øll, sum eru í vandabólki, biða um tíð til koppseting, um ey eru 16 ár ella eldri. Klokkan 15 í morgin, mikudagin, kunnu øll eldri enn 15 ár bíleggja tíð á corona.fo.
Persónar í vandabólki hava framíhjárætt at bíleggja tíð til koppseting soleiðis, at fyrsta dagin, latið verður upp fyri koppseting í nýggjum aldursbólk, fáa hesi í serligum vandabólkum framíhjárætt at fáa sær tíð. Tað kunnu vera fólk við krabbasjúku, sjúku í nervalagnum, lungasjúku, hjartasjúku, diabetes og so framvegis.
Øll sleppa framat
Nýggi aldursbólkurin, sum nú sleppur framat at bíleggja tíð, eru tey í aldrinum 16-44 ár. Tað merkir at frá klokkan 15 í morgin stendur øllum, sum eru eldri enn 16 ár, í boði at lata seg koppseta.
Tað verður tó ikki soleiðis, at øll fáa eina tíð beinanvegin, tí nokk av koppingarevni er ikki á goymslu í Føroyum. Men fólk mugu ikki falla í fátt, tí øll sleppa framat.
Seinastu vikurnar hevur sjúkrahúsverkið fingið um 6.800 skamtar av koppingarevni aðruhvørja viku. Sambært koppsetingarkalendaranum hava allir føroyingar, sum ynskja tað, fingið tvey prik fyrst í september, sigur Sjúkrahúsverkið.
Vinarliga broyt tínar kennifíla - og privatlívsstillingar fyri at síggja hetta innihald