Lea Sofía Skaalum nýggj forkvinna í Diabetesfelagnum

Diabetesfelagið hevur fingið nyggja nevnd, og Lea Sofía Skaalum er nú forkvinna í felagnum.

Hon avloysir May-Britt Skoradal, sum hevur verið forkvinna í næstan 10 samfull ár.

– May-Britt hevur við kønari hond staðið á odda fyri felagnum og verið ein dyggur og trúgvur forsprákari fyri bøttum umstøðum fyri fólk í Føroyum við diabetes.
Diabetesfelagið ynskir henni alt tað besta við nýggju avbjóðingunum, skrivar Diabetesfelagið í tíðindaskrivi.

– Birita Kristoffursdóttir Samuelsen stillaði heldur ikki upp aftur til nevndina hesaferð, og felagið vil somuleiðis takka henni fyri vala íkast hesi farnu árini til frama fyri fólk í Føroyum við diabetes.

Á aðalfundi 11. mars varð nýggj nevnd vald, og nevndin skipaði seg á fyrsta nevndarfundi 3. apríl.

Nevndin skipaði seg við Leu Sofíu Skaalum sum forkvinnu, Grími Kamban Mortensen sum næstformanni, Allani Skaalum sum skrivara, Mouritsi Joensen sum kassameistara og Terja á Lakjuni sum nevndarlimi. Brynhild Thomsen og Bára Joensen eru tiltakslimir.