Leiguveltur tøkar í Tvøroyrar kommunu

12 veltir eru tøkar undir Heygnum, á matr. nr. 524a og 524c, sum Tvøroyrar kommuna eigur. Ætlanin er, at borgarar skulu hava møguleika til at velta eitthvørt til matna á økinum, skrivar kommunan í tíðindaskrivi.

– Tað, at velturnar liggja lið um lið ger, at fólk kunnu koma hvørjum øðrum við, samstundis sum okkurt áhugavert fæst burturúr. Velturnar verða uppmerktar og á leið eins stórar. Kommunan syrgir fyri uppmerkingini, meðan leigarin sjálvur tekur sær av veltingini og øðrum neyðugum arbeiði.

Borgarar kunnu søkja um veltu við at skriva til kommununa. Freistin at melda seg til er fríggjadagin 9. apríl klokkan 12.

Meira kunning fæst á heimasíðuni hjá Tvøroyrar kommunu.