Uttanlands

Leita eftir líkum í rununi

58 eru funnin deyð eftir vanlukkuna í Brumadinho í Brasil – nógv eru saknað

(Mynd: EPA)

(Mynd: EPA)

2019-01-28 07:26 Author image
Ingi Samuelsen
placeholder

Vónirnar um at finna fleiri fólk í rununi eftir at ein vatnbyrging brast í Basili, svinna nú.

Triðja samdøgrið eftir vanlukkuna hava bjargingarfólk funnið 58 lík, men tað er framvegis 305 fólk, sum eru saknað, segði Flavio Godinho, talsmaður fyri brasilsku sivilverjuna, við fjølmiðlar í gjárkvøldið.

Byrgingin, sum námsfelagið Vale eigur, brast fríggjadagin, og stórar vatnmongdir floymdu yvir býin Brumadinho í brasilska landslutinum Minas Gerais.

Stjórin í Vale, Fabio Schvartsman, og guvernørurin í Minas Gerais, Rumeu Zema, søgdu báðir í gjár, at tað neyvan fer at eydnast at finna fleiri fólk á lívi nú.

[object Object]
(Mynd: EPA) 

placeholder
placeholder