Uttanlands

Leo Varadkar aftur forsætisráðharri í Írlandi

Formenninir í stóru stjórnarflokkunum gjørdu fyri tveimum árum síðani av at skiftast um valdið, og í gjár tók Leo Varadkar við sum forsætisráðharri eftir Michael Martin, sum hevur sitið í sessinum seinastu tvey árini – Hetta er fyrstu ferð, at slíkt valdsskifti fer fram í Írlandi

Leo Varadkar á ES-fundi í Brússel í desember 2019 (Mynd: EPA)

2022-12-18 13:48

Alda Nielsdóttir

Í gjár gjørdist 43 ára gamli Leo Varadkar aftur forsætisráðharri í Írlandi.

Í juni 2020 samdust stjórnarflokkarnir um at deilast um forsætisráðharrasessin. Michael Martin, formaðurin í flokkinum Fianna Fáil hevur verið forsætisráðharri seinastu tvey árini, og í gjár yvirtók Leo Varadkar hjá flokkinum Fine Gael sessin.

Leo varadkar var eisini forsætisráðharri í tíðarskeiðnum 2017 til 2020.

Fianna Fáil og Fine Gael hava skipað stjórn saman við umhvørvisflokkinum The Green Party, og sambært BBC er hetta fyrstu ferð í søguni hjá Írlandi, at eitt slíkt valdsskifti fer fram.

62 ára gamli Michael Martin yvirtekur nú leiklutin sum varaforsætisráðharri og uttanríkismálaráðharri.

Vinarliga broyt tínar kennifíla - og privatlívsstillingar fyri at síggja hetta innihald