Lítil eldur úr skorsteininum á Smyrli

Á veg suður seinnapartin fekk strandfaraskipið Smyril trupulleikar við at eitt skorsteinsrør bleiv ovurhitað.

Hetta skrivar Suðurrás í kvøld.

Strandferðslan boðar á heimasíðuni frá, at túrurin klokkan 18:45 er avlýstur, og tað verður ikki siglt meira í kvøld.

Smyril siglir norð aftur í morgin klokkan 5, sigur Strandferðslan.

Suðurrás skrivar, at hitin í skorseininum førdi til, at hol kom á eitt oljurør og síðani ein lítil eldur. Hesin eldurin varð tó sløktur beinanvegin og tað var ongin vandi á ferð.