“Lívsins Vár” – nýtt lag frá Tórfríð Tavsen

Sangurin snýr seg um várið, sum kemur aftan á langa veturin. Hvussu alt vaknar úr dvala, blómurnar spretta, lombini koma og fuglarnir reiðrast.

Ein kann eisini siga “Lívsins vár”. At vakna úr dvala, og – eins og lítla pisan – leypa úr reiðrinum og breiða sínar veingir út, fyri at finna útav, at hon dugir at flúgva.

Tekstin hava Niclas Heri Jákupsson og Tórfríð Tavsen skrivað, og Tórfríð hevur gjørt lagið.

Framleiðslu, upptøku og ljóðbland hevur Hans Poulsen staðið fyri í IntroVers Studio.

Sangur: Tórfríð Tavsen
Kór: Margretha Poulsen og Áron Poulsen
Trummur: Jósva Debes
Ljómborð, bass, guitar, blás og slagverk: Hans Poulsen

Sangurin er at hoyra á stroymingstænastunum.