Klokkan 10 í morgin hevur landsstýrið tíðindafund um koronustøðuna. Tíðindafundurin verður hildin í Kringvarpi Føroya, og verður eisini sendur í sjónvarpinum hjá Kringvarpinum.
Til tíðindafundin luttaka Bárður á Steig Nielsen, løgmaður, Michael Boolsen, fúti, og Tummas í Garði, varastjóri í Sjúkrahúsverkinum.
Í innbjóðingini, sum miðlarnir hava fingið til tíðindafundin, stendur ikki hvat ítøkiliga kunnað verður um.
Men uttan fer løgmaður Bárður á Steig Nielsen at kunna um tað, sum landsstýrið hevur viðgjørt hesar seinastu dagarnar.
Millum annað í mun til tilmælini um náttarlívið og hvussu nógv fólk kunnu savnast. Í dag hevur fundur verið við umboð fyri politisku flokkarnar, har teir eru kunnaðir um tilmælini.
Nøkur av hesum tilmælunum verða uttan iva broytt (Mynd: Korona.fo / Landsstýrið)
(Greinin er dagførd 20. januar 2022 kl. 19:29)
Vinarliga broyt tínar kennifíla - og privatlívsstillingar fyri at síggja hetta innihald