Landsstýrismaðurin í fíggjarmálum, Jørgen Niclasen, hevur í dag biðið løgmann um at verða loystur úr starvi.
Vp.fo og dimma.fo hava skrivað um hetta seinnapartin, men fyri løtu síðani váttaði Løgmansskrivstovan eisini hetta í tíðindaskrivi.
Løgmaður hevur loyst landsstýrismannin úr starvi.
Sambært fráboðan um býti av málsøkjum landsstýrisins millum landsstýrismenninar, sum seinast broytt við fráboðan nr. 2 frá 6. januar 2022 § 44 stk. 3, røkir løgmaður fyribils fíggjarmál.
Sambært vp.fo er orsøkin, at Jørgen Niclasen er tikin av løgregluni við alkoholi í blóðinum. Hann tekur fulla ábyrgd, sigur hann, og leggur frá sær sum landsstýrismaður.
Les eisini: Jørgen Niclasen leggur frá sær sum landsstýrismaður
Vinarliga broyt tínar kennifíla - og privatlívsstillingar fyri at síggja hetta innihald