Løgmaður til IOC: Føroyar hava OL-limaskap uppibornan

- Føroysk ítróttarfólk eiga at sleppa at luttaka undir egnum flaggi til olympisku leikirnar.

Tað sigur Bárður á Steig, løgmaður, millum annað í almennari áheitan til altjóða olympisku nevndina IOC. Síðan OL í Beijing í 2008 hava fýra føroyingar, uppvaksnir í Føroyum, luttikið á olympiskum leikum.

- Hetta ber millum annað boð um, at støði á føroyskum ítrótti er høgt, og í summum førum í heimsklassa, sigur Bárður á Steig Nielsen í skrivinum.

Tey fýra eru rógvari Katrin Olsen í Beijing 2008, svimjarin Pál Joensen í London 2012 og Rio 2016 nú í Tokyo 2020 (2021) rógvarin Sverri Sandberg Nieolsen og hondbóltsleikarin Jóhan á Plógv Hansen.

Løgmaður vísir eisini til limaskapir í øðrum samanhangi, eitt nú í altjóða paralympisku nevndini IPC og altjóða fótbóltssamgonguni FIFA. Tí er tíðin nú búgvin til, at IOC broytir fatan, og at føroyska flaggið eisini verður at síggja á olympiskum leikvøllum, heldur hann.

Bárður á Steig Nielsen, løgmaður