Løgreglan: Ansið eftir hvussu tit orða tykkum um neyðtøkumálið

Løgreglan ger í dag vart við, at fólk eiga at ansa sær í mun til viðmerkingar til neyðtøkumálið, sum hevur verið í Føroya rætti seinastu dagarnar, har ein 42 ára gamal maður hevur fingið trý ára fongsulsrevsing fyri at hava misnýtt tríggjar ungar dreingir.

Dómur var sagdur í gjár, og tað eru nógv sum hava víst sína ónøgd á sosialum miðlum.

- Vit vilja í tí sambandi minna á, at tað er umráðandi at hugsa um, hvussu man orðar seg. Orðingar kunnu, alt eftir hvussu tær verða bornar fram, vera ærumeiðandi, og harvið revsiverdar, sigur politiið.