Hetta vikuskiftið hevur verið rættiliga nógvur vindur kring landið, men løgreglan hevur tó ikki fingið nakra fráboðan um nakrar stórar skaðar í hesum sambandi.
Vaktleiðarin á løgreglustøðini í Havn sigur, at tey tó hava fingið fráboðanir um byggiltilfar og lutir, sum ikki hevur verið nóg væl tryggjað.
Mett verður, at løgreglan hevur fingið einar 15-20 fráboðanir síðan á middegi fríggjadagin. Tær koma úr øllum landinum.
Annars hevur talan verið um eitt rættiliga friðarligt vikuskifti, verður sagt av løgreglustøðini.
Løgreglan hevði tó eitt átak móti rúsdrekkakoyring í høvuðsstaðnum seinnapartin í gjár, og í hesum sambandi vórðu tveir bilførarar tiknir.
Vinarliga broyt tínar kennifíla - og privatlívsstillingar fyri at síggja hetta innihald