Í nátt hevur løgreglan havt úr at gera.
Løgreglan kannar eitt mál, har ein maður skal hava hótt ein annan, og í sambandi við hetta málið varð ein eisini tikin við rúsevnum uppiá sær.
Eisini er ein persónur handtikin í sambandi við eitt harðskapsmál.
Umframt hetta varð ein persónur eisini tikin fyri rúsdrekkakoyring í sambandi við eitt lítið ferðsluóhapp. Eingin skaði stóðst tó av hesum.
Hetta hendi alt í høvuðsstaðarøkinum, sigur vaktleiðarin á løgreglustøðini í Havn.
Nógvur vindur hevur eisini verið í morgun, og í hesum sambandi hevur løgreglan eisini fingið fráboðanir um stormskaðar ymsastaðni í landinum, men talan er tó ikki um nakað álvarsamt.
Vinarliga broyt tínar kennifíla - og privatlívsstillingar fyri at síggja hetta innihald