Innanlands

Løgreglan: Hetta er svik

Staðilig áheitan til fólk um ikki trýsta á leinki, ið fleiri hava fingið sendandi í dag. Tað vísir til skat.dk, men her eru teldusníkar uppá spæl

Talan er um eitt phishing álop. Løgreglan hevur fingið fleiri fráboðanir frá fólki, ið hava fingið slík boð. Tað varð skjótt staðfest, at talan er um teldusníkar (Mynd: Føroya Politi)

2024-06-19 14:26

Agnar Prestá

- Kære venner fra Færøerne.

Soleiðis byra eini boð, sum nógv hava fingið við SMS-boðum í dag. Tað vísir á, at tað ber til hjá ávísum persónum at søkja um fleiri pengar - hetta orsakað av nýggjum politikki og til at fáa stuðul til gerandisvørur.

Talan er um eitt phishing álop. Løgreglan hevur fingið fleiri fráboðanir frá fólki, ið hava fingið slík boð. Tað varð skjótt staðfest, at talan er um teldusníkar.

Tað umráðandi her er ikki at trýsta á leinkjuna, sum vísir til skat.lol.dk. og heldur ikki víðari harfrá. Tað kann geva trupulleikar.

Soleiðis sær tilgjørda síðan hjá teldusníkunum út (Mynd: Føroya Politi)

Vaktleiðarin hjá løgregluni sigur við Portalin, at tað ikki ber til at finna fram til sníkarnar. Boðini eru "krypteraði".

Tað er meira og meira vanligt, at slík boð koma.

------------------------------

Føroya Politi skrivar soleiðis:

Føroya Politi hevur í dag fingið fráboðanir um eitt nýtt phishing álop, ið verður framt ímóti føroyingum.

Fólk fáa eini SMS boð frá einum ókendum nummari ella teldupostadressu, har tey verða kunnað um, at tey hava rætt til pening, ið kann dekka eitt nú tann økta prísvøksturin á til dømis matvørum.

Tey verða síðani biðin um at fara inn á eina leinkju til SKAT í Danmark. Hetta er ein tilgjørd heimasíða, ið líkist ógvuliga nógv heimasíðuni hjá SKAT í Danmark. Her verður tú biðin at tøppa inn tínar upplýsingar, ið so kunnu brúkast seinni teldusníkum.

Føroya Politi hevur kannað boðini og heimasíðuna, og talan er um svik. Føroya Politi vil tí staðiliga heita á øll, ið fáa hesi boðini um at strika tey og annars síggja burtur frá boðunum.

Vinarliga broyt tínar kennifíla - og privatlívsstillingar fyri at síggja hetta innihald