Løgreglan fingið fleiri fráboðanir um vindskaðar

 - Her er einki á rapportini útyvir vindin.

Hetta byrjaði vaktleiðarin á løgreglustøðini í Havn telefonsamrøðuna við í morgun. Tað hevur verið tosað nógv um og ávarað um nógva vindin, og løgreglan hevur merkt nakað til tað seinasta samdøgrið - tó ikki heilt so nógv. 

Tað byrjaði spakuliga seinnapartin. Tað var klokkan 13.45 í gjár, at fráboðan kom um, at vindskeiðir byrjaðu at ríva seg leysar í Leirvík.

Næstu átta tímarnar vóru samanlagt tólv fráboðanir ymsastaðni úr landinum. Vaktleiðarin greiðir frá, at talan als ikki var um stórskaðar, tó at onkur klædningur fór.

Í nátt hevur verið mestsum friður. Nakrar fráboðanir úr høvuðsstaðnum komu tó tíðliga í morgun. Millum annað hevði ein bátur slitið seg leysan í Álakeri.

Harvið hevur vindurin ikki gjørt so stórar skaðar enn. Á løgreglustøðuni er man tó til reiðar:

- Nú bíða vit og eru til reiðar. Vindferðin hevur verið heilt høg nógvastaðni, men tað sær út sum tað ringasta er á veg.

Sí veðrið her

Lagt verður afturat, at tað framvegis er rímiliga væl koyrandi millum bygdir, tó at nógv vatn er á vegnum ymsastaðni, og at neyðugt er at vera varin, hvat vindinum viðvíkur.

Sí koyrilíkindi HER
Til ber at fylgja støðuni, hvat veðrinum viðvíkur, á okkara beinleiðis bloggi HER.