Agnar Prestá
Elon Musk er ikki ein serliga vælumtókur maður allastaðni, og tað at hann eigur sosiala miðilin X - fyrr Twitter - hevur avgjørt sína ávirkan á, hvussu fólk og stovnar síggja uppá miðilin.
Júst í Danmark hava nógvar atfinningar verið mótvegis Elon Musk, hansara meiningar og ávirkan, á almennum pallum, og skjótt fer løgreglan í øllum Danmark at gevast við at nýta X.
Hetta váttar René Gyldensten, samskiftisleiðarin hjá ríkisløgreluni (Rigspolitiet), fyri TV2.
- Øll løgreglan í Danmark arbeiðir við at fara frá X. Løgreglan skal vera vís í, at tað er tann sami sosiali miðilin um eitt hálvt ár, og tað eru vit bara ikki.
Heldur verður arbeitt við einum palli, sum minnir um X: Har man kann samskifta við miðlar og borgarar.
Í Føroyum hevur løgreglan ikki nýtt X. Heldur verður Facebook nýtt til ymisk boð til fjøldina, umframt at fleiri ting fara á heimasíðuna umframt til "siðbundnu miðlarnar".
Vinarliga broyt tínar kennifíla - og privatlívsstillingar fyri at síggja hetta innihald