Løgreglan í Keypmannahavn: - Vit hvørki kunnu ella vilja góðtaka slíkt álop

Stutt eftir klokkan 22 í gjárkvøldið fekk løgreglan í Keypmannahavn eina fráboðan um, at ein spreinging hevði verið í bygninginum hjá Skattastýrinum.

Tvey fólk vóru inni í bygninginum, men tey fingu ongan skaða. Tað gjørdi bygningurin sjálvur; klædningurin ið partvís er av glasi.

Løgrelan er uppsett uppá at finna, hvør hevur staðið aftanfyri hetta; hon sigur, at har er eingin ivi um, at onkur hevur gjørt hetta við vilja, og at talan er um eina ógvusliga gerð. 

Heitt verður á møgulig vitni um at traðka fram.