Løgreglan kannar hending í Eysturoynni

Løgreglan kannar eina hending, sum fór fram í Eysturoynni seinnapartin í gjár.

Talan var um eina illstøðu millum eitt par, sum nærum var farið til hendurs úti á gøtuni.

Fólk sóu hendingina og boðaðu løgregluni frá. Løgreglan kom á staðið og handtóku mannin, sum var ávirkaður og ólátaður.

Maðurin er framvegis á støðini í morgun, partarnir skulu avhoyrast, og støða skal takast til, um tað blívur til eina skuldseting fyri harðskap, sigur vaktleiðarin á løgreglustøðini í Havn.