Løgreglan kannar møguligt harðskapsmál

Løgreglan kannar í løtuni eitt møguligt harðskapsmál frá náttini.

Talan er um eina hending uttanfyri eitt skeinkistað í miðbýnum í Havn.

Onkur fekk skaða í høvdið og endaði á sjúkrahúsinum, men hvør orsøkin er til skaðan er ógreitt, sigur vaktleiðarin á løgreglustøðini í Havn.

Løgreglan fer at avhoyra fólk, tá tey eru vorðin edrú, fyri at fáa greiðu á, hvat er farið fram.

Vaktleiðarin sigur, at náttin annars hevur verið rættiliga friðarlig.