Løgreglan kannar prutl og skutarar

Løgreglan fer farin í gongd við eitt átak at kanna prutl og skutarar. Í hesum sambandi vóru tvær bøtur útskrivaðar í sambandi við kanning av prutlum í Eysturoynni.

Talan var um prutl, ið vóru “bygnaðarbroytt”, sum tað eitur á løgreglumáli nú. Tað merkir, at tey eru broytt soleiðis, at tey kunnu koyra skjótari enn loyvt er.

Eftir ætlan verða fleiri prutl og skutarar kannað í komandi døgum, sigur vaktleiðarin hjá løgregluni.

Ferðsluløgreglan gjørdi í gjár ferðkanningar á landsvegnum millum Leynar og Leynatunnilin. Tveir bilar vórðu tiknir fyri at koyra ov skjótt. Annar koyrdi 89 kilometrar um tíman og hin 104. Báðir bilførararnir fingu bót.