Løgreglan: Koyrið ikki eftir Oyggjarvegnum

Bilførarar eiga ikki at koyra eftir Oyggjarvegnum, um hetta ikki er hægst neyðugt, sigur løgreglan í morgun.

Vaktleiðarin á løgreglustøðini í Havn sigur, at tey hava fingið fleiri fráboðanir um, at har er so hált á Oyggjarvegnum, at har er næstan ikki koyrandi í løtuni.

– Har ringja fleiri frá Oyggjarvegnum og siga, at har næstan ikki koyrandi, tí tað er so hált, og ein bilur er eisini farin útav, sigur vaktleiðarin.