Jóansøka er í Vági hetta vikuskiftið, og í gjár og í nátt var Vágsbotnur í Havn karmur um stóra konserttiltakið Voxbotn.
Slík tiltøk draga nógv fólk at sær, og plagar løgreglan at hava fitt av arbeiði í hesum sambandi, men hóast nógv fólk hava verið í býnum í nátt, hevur tað verið stak friðarligt.
Løgreglan upplýsir, at tey enn einki mál hava skrásett í sambandi við Voxbotn og jóansøku.
Vaktleiðarin á løgreglustøðini í Havn sigur, at einasta málið, tey hava skrásett er, at tveir bilførarar í høvuðsstaðnum vórðu tiknir fyri rúsdrekkakoyring í morgun.
Vaktleiðarin sigur, at løgreglan hevur verið nógv til staðar í náttarlívinum, og tað sama hava samarittarnir, sum hava gjørt eitt fantastiska flokk arbeiði í nátt.
Vinarliga broyt tínar kennifíla - og privatlívsstillingar fyri at síggja hetta innihald