Løgreglan: Tað hevur verið stak friðarligt

Seinasta samdøgrið hevur verið stak friðarligt, sigur løgreglan.

G! Festivalur er í Syðrugøtu hetta vikuskiftið, og er løgreglan eisini til staðar á økinum, men seinasta samdøgrið hevur løgreglan einki mál skrásett á G! Festivalinum, verður upplýst av løgreglustøðini í Havn.

Løgreglan hevur eisini kannað ferðsluna, og í hesum sambandi varð ein bilførari tikin fyri at koyra ov skjótt í óbygdum øki í Eysturoynni. Mest loyvda ferðin er 80, men hesin koyrdi 101 km/t.

Í nátt varð ein bilførari í Havn eisini tikin fyri rúsdrekkakoyring.