Løgreglan: Valplakatirnar kunnu vera vandamiklar í vindinum

Nakað av vindi hevur verið kring landið í nátt, og tað hevur havt við sær, at fleiri av teimum mongu valplakatum kring landið eru loysnaðar. Hetta hevur við sær, at tær eru dotnar á vegin og fúka í vindinum. Løgreglan upplýsir, at nógv fólk hava ringt um hetta í morgun. Millum annað er hetta hent á Velbastaðvegnum, í Kollfjarðardali og við Eystara Ringveg.

Av tí at allarflestu plakatirnar eru festar á veggjaplátur, so kann hetta vera til vanda fyri ferðslu og harvið fólk. Í summum førum eru plakatirnar ikki loysnaðar heilt, men løgreglan hevur givið valevnum ið eiga plakatirnar boð um at fara runt at taka sær av sínum plakatum og festa tær betri.